Norska flogfelagið Widerøe, sum millum annað flýgur upp á Føroyar, væntar inntøkuna fara at minka í komandi tíðum. Hetta væntar felagið, hóast tað setti met í september við 310.000 ferðafólkum móti 308.000 í mai í fjør.
Marknaðarútlitini eru nógv vánaligari komandi mánaðirnar enn seinastu tíðina. Yvirkapasitetur á innanlandrutunum førir við sær, at prísirnir lækka. Haraftrat er eftirspurningurin lægri orsakað av rentuøking, øktum orkuprísum og stórari inflasjón, skrivar Widerøe í tíðindaskrivi.
- Niðurkølingin í norska búskapinum er ógvuliga virkin, og ikki óvæntað ávirkar tað eisini eftirspurningum eftir flogferðum, sigur Christian Skaug, stjóri í Widerøe.
Sum avleiðing av støðuni hevur Widerøe tikið eitt flogfar úr flotanum.
Kelda: e24.no
