* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 
Oceanic Phoenix verður nú upphøgt í Esbjerg.

Fyrr í hesum mánaðinum varð seismikkskipið, Oceanic Phoenix, sum hevur ligið svínabundið við bryggju í Måløy í Noregi í 17 mánaðir, sleipað til Danmarkar til upphøggingar. Og her verður roknað við, at fleiri seismikkskip koma til upphøggingar komandi árini.

 

Tað er felagið, Smedegaarden, í Esbjerg, sum skal høgga seismikkskipið upp.

 

- Tað er rætt, at vit hava keypt skipið til “endurumferð” (resirkulatión) her hjá okkum, sigur Morten Smedegaard, við norska miðilin, Skipsrevyen.

 

Tað var Henning Smedegaard, ið stovnaði felagið í 1962, og synirnir, Morten, Eddie og Klaus yvirtóku tað í 2014. Smedegaarden hevur umleið 60 ára royndir við at høgga skip upp, og eru millum umhvørvisvinarligastu skipasmiðjurnar av sínum slag í Evropa.

 

Fyrr í heyst yvirtók felagið norsku ferjuna, MS Etne, sum eisini verður upphøgd á skipasmiðjuni.

 

- Vit eru byrjað at hyggja eftir, hvussu vit skulu taka skipið sundur, og vænta, at alt arbeiðið verður liðugt í juni næsta ár, sigur Morten Smedegaard.

 

Seinast seks árini hevur Smedegaarden høgt sjey seismikkskip upp, teirra millum “Northwest Searcher” í 2018, sum tá hevði ligið við bryggju í Noregi í fleiri ár.

 

Morten Smedegaard vænta at fáa fleiri seismikkskip til upphøggingar komandi árini, tað er bara ein spurningur um tíð.

 

Kelda: Skipsrevyen