Undirhaldssamtakið Disney er byrjað samráðingar við trotabúgv um at yvirtaka eitt spildurnýtt reikferðaskip, sum annars var dømt at fara til upphøggingar.
Disney-samtakið er farið at samráðast við bústjoran fyri trotabúgvið eftir Gentings, sum fór á heysin fyrr í ár. Tá var skipið 75 prosent liðugt, og hevði fingið navnið “Global Dream”.
Sostatt eru ætlanirnar um at koyra nýggja reikferðaskipið til upphøggingar fyribils steðgaðar.
Við einum kapasiteti upp á 9.500 ferðafólk hevði Global Dream verið heimsins størsta reikferðaskip mett í tali á ferðafólkum. Tað sigur The Maritime Executiv, sum millum annað endurgevur týsku sjónvarpsstøðina NDR.
Sambært sjónvarpsstøðini er Disneysamtakið áhugað at nýta 342 metrar langa reikferðaskipið í Asia, har skipið upprunaliga var sniðgivið at sigla.
Bústjórin fer at gera alt fyri, at “Global Dream” kann smíðast liðugt í Týsklandi, so at nøkur av uppsøgdu arbeiðsfólkunum kunnu fáa arbeiðið aftur.
Kelda: Søfart
