* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 
Partur av havnini í Thyborøn.

Ein 55 ára gamal reiðari og fiskiskipari frá Thyborøn í Danmark er við Rættin í Holstebro fríkendur fyri mannahandil, men hann varð dømdur treytaða fongsulsrevsing í hálvtannað ár fyri okur.

 

Sambært fakblaðið, 3F, útvegaði reiðarin í 2017 tveir ganesiskar fiskimenn til Danmarkar við lyfti um, at teir skuldu eftir einum skipi, sum skuldi fiska út fyri Afrika. Men veruleikin gjørdist ein annar. Teir báðir menninir endaðu í staðin við at umvæla eitt skip og gørn í havnini í Thyborøn í trý ár.

 

Grundin til at skipið ongantíð fór til fiskiskap var, at tað varð ásilgt í havnini.

 

Reiðarin rindaði teimum báðum monnunum 9.000 krónur um mánaðin fyri 11 tímar arbeiðið, seks dagar um vikuna – og við ongari frítíð.

 

- Eg er ógvuliga argur um, at ein danskur reiðari kann finna upp á at taka frælsið frá tveimum menniskjum og fara soleiðis við teimum. Tað er ræðuligt, segði ITF-eftirlitsmaðurin, Morten Bach, tá málið varð reist.

 

Ákæruvaldið kravdi mannin treytaleysa fongsulsrevsing í hálvtfjórða ár fyri tvingsilsarbeiði, trælalíknandi viðurskifti og mannahandil. Rætturin fríkendi reiðaran fyri mannahandil.

 

Donsku myndugleikarnir vórðu varugir við málið í mai 2020 í sambandi við eitt eftirlit, sum løgverjan gjørdi.

 

Kelda: Fagbladet 3F / Maritimedanmark