Tað hevur ongantíð verið størri grund at raka norskan gassútflutning til Evropa, sigur granskari og ávarar um trygdina kring norskar gassleiðingar. Norska stjórnin sigur trygdarstigið vera høgt í norskum øki eftir lekan frá Nord Stream.
Ståle Ulrikesen, háskúlalektorur við Hernaðarskúlan heldur lekarnar á Nord Stream snúgva seg um russiskt herverk.
- Eg haldi tað vera Russland, sum vil minka gassveitingarnar uttan at siga tað, sigur Ulriksen við E24.
Lekarnir eru avdúkaðir stutt uttan fyri Bornholm.
Háskúlalektorin sigur, at norsk gass- og orkuveiting ongantið hevur havt størri týdning enn júst nú.
E24 skrivar, at eftir at Russland gavst at veita gass til Evropa gjøgnum Nord Stream 1 seinast í august, er Noreg vorðið ein týdningarmikil gass-leverandørur.
- Tí hevur tað ongantíð verið størri grund at oyðileggja norsku veitingarliðini enn júst nú, sigur Ståle Ulriksen, lektor á hernaðarskúlanum í Noregi.
E24 og VG
Sí sjónbandaupptøkur niðanfyri!
