* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 
Nevndin í Sjóvinnufelagnum: Leif Hovgaard, formaður
Eli Lassen, næstformaður
Anja Jacobsen, nevndarlimur
Christian Danielsen, nevndarlimur
Jannis Moraites, nevndarlimur.

Nevndin í Sjóvinnufelagnum heldur fram

Felagið sær stórar møguleikar hjá bæði tænastu- og framleiðsluvinnunum komandi árini.

 

Nevndin í Sjóvinnufelagnum heldur fram óbroytt eftir ársaðalfund felagsins, sum varð hildin í Vinnuhúsinum, mikudagin 20. apríl 2022.

 

Á ársaðalfundinum stóðu Christian Danielsen og Jannis Moraitis fyri vali. Teir vórðu báðir afturvaldir.

 

Sjóvinnufelagið strembar eftir at veita limum sínum best møguliga tænastu,  samsvarandi teimum rað­festingum, sum limirnir í Sjóvinnufelagnum seta á skránna.

 

Tað eru tí limirnir í Sjóvinnufelagnum, ið gera av, hvussu felagið skal ávirka gongdina og menningina av hesum vinnum í Føroyum.  

 

Føroyar eru eitt nýmótans samfelag mitt í Atlantshavinum við góðum samskiftis, ferða- og flutnings­sambandið til evropeiska meginlandið. Tí eru Føroyar kappingarførar við okkara nærmastu granna­lond, tá ið tað snýr seg um at veita alskyns tænastur til sjóvinnuna um okkara leiðir.

 

Fyri at menna inntøkugrundarlagið hjá limunum og føroyska samfelagnum sum heild, fer Sjóvinnufelagið aktivt at virka fyri øktum vinnumøguleikum, bæði í Føroyum og uttanlands.

 

Felagið sær stórar møguleikar hjá bæði tænastu- og framleiðsluvinnunum komandi árini. Oljuvirksemið fer at verða nærhendis føroyska markinum fleiri ár frameftir, samstundis sum ætlanir eru um stórar verkætlanir við vindmyllulundum á sjónum, umframt frálandavinnu yvirhøvur.

 

Tað fer somuleiðis at verða nógv skipaferðsla framvið Føroyum komandi árini. Hesi skipini skulu viðlíkahaldast, umvælast, proviantera, bunkra og skifta manning. Her hava føroyskar tænastu- og framleiðslufyritøku gyltar møguleikar at bjóða seg fram, mitt í ferðslumeldrinum í Atlantshavinum.

 

Sjóvinnufelagið fer eisini aktivt at fylgja vinnumøguleikunum í arktiska økinum, og virka fyri, at føroyskar fyritøkur fáa møguleika at verða við í hesum nýggja og spennandi øki.  

 

Sjóvinnufelagið er vinnugreinafelag, ið umboðar seráhugamálini hjá føroyskum fyri­tøk­um, ið selja vørur og tænastur til vinnu á sjóøki nærhendis Føroyum umframt Arktis.

 

Nevndin í Sjóvinnufelagnum er mannað soleiðis:

 

Leif Hovgaard, formaður

Eli Lassen, næstformaður

Anja Jacobsen, nevndarlimur

Christian Danielsen, nevndarlimur

Jannis Moraites, nevndarlimur

 

Kelda: industry.fo