* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 
Vantandi estetikkur av einum løðitorni forðar fyri, at ravmagnsferjan, MF Heilhorn, kann setast í sigling.

Eitt løðitorn á bryggjuni til fyrstu ravmagns-ferjuna í Nordlandi í Noregi er so lítið estetiskt, at lokalpolitikarar nokta fyri at lata tað gera á bryggjuni.

 

Talan er um nýggju ravmagnsferjuna, MF Heilhorn, sum skal reka farleiðina millum Horn og Andalsvågen. Kommunan á staðnum noktar fyri, at løðitornið verður sett upp á bryggjuni, eitt løðitorn, sum skal geva ferjuni streym.

 

Tað skriva NRK og Skipsrevyen.

 

- Bryggjan er eitt mentunarminni. Tað er sjálvt portrið inn í Helgeland og tískil eitt týdningarmikið “úttrykk” fyri økið.

 

Tað sigur borgarstjórin í Sømna, Hans Gunnar Holand, við NRK.

 

Tað var í august í fjør, at formansskapurin í Sømna noktaði at seta eitt 11 metrar høgt løðitorn á gomlu bryggjuna í Vennesund.

 

Stein Andre Herigstad-Olsen, sjóflutningsstjóri hjá reiðarínum, Torghatten, sum skal reka ravmagnsferjuna, sigur, at løðitornið er ein jalig ímynd av framtíðini, og nakað, vit eiga at tola.

 

- Løðitornið á ferjubryggjuni er liður í neyðugari menning til grøna umskiftið. Tað er beinleiðis tekin um menningina í grøna umskiftinum, sigur hann við NRK.

 

Kelda: NRK og Skipsrevyen