* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 
Russiska LNG-tangaskipið, Christophe de Margerie.

Fyri fyrstu ferð yvirhøvur hava tvey ísstyrkt gasstangaskip sett kós móti ávikavist eystri og vestri fyri at sigla gjøgnum mest ísaðu íshavsleiðina av norðurpólsleiðini - um veturin. Væl at merkja uttan hjálp frá ísbrótarum.

 

Hendan royndin hevur verið løgd til rættis í longri tíð, og nú er hon í gongd: LNG-tangaskipið, Christophe de Margerie, legði frá landi týsdagin frá LNG-terminalinum, Sabetta, við kós eystureftir móti kinesisku havnini í Dalian.

 

Ellivu dagar frammanundan stevndi tangaskipið, Nikolay Zubov, út frá Dalian og setti kós móti Sabetta.

 

Ongantíð áður hava tvey handilsskip gjørt eina slíka paralellferð gjøgnum Norðurpólsrutuna hesa ársins tíð – uttan hjálp frá ísbrótarum.

 

Verkætlanin er partur av einari røð av royndarsiglingum gjøgnum íshavið, sum Russland so fegið vil gera til eina týðandi flutningsfarleið millum Evropa og Ásia.

 

- Royndin verður gjørd í samstarvi við natúrgassfelagið, Novatek, og kjarnorkufelagið, Rosatom, sigur Sergey Frank, sum er nevndarformaður í Rosatom.

 

Málið er at vísa, at til ber at sigla gjøgnum hesa íshavsleiðina í 10 mánaðir av árinum.

 

Ætlandi kemur Christophe de Margerie til Dalian hin 26. januar, meðan Nikolay Zubov skal vera í Sabetta hin 16. januar.

 

Kelda: The Barents Observer / Maritimedanmark