Japan Ship Machinery Association og Danske Maritime hava undirskrivað eitt Memorandum of Understanding um tættari samstarv millum teir báðar vinnufelagsskapirnar- og ídnaðir í londunum báðum. Undiskrivingin fór fram hjá MAN Energy Solutions í Keypmannahavn.
Endamálið við hesum nýggja uppriti er at styrkja og víðarimenna milllumlanda samstarvið innan sjóvinnuna við at loysa felags avbjóðingar – til gagns fyri bæði japanska og danska sjóvinnuídnaðin. Millum annað innan grøna skiftið og menningina av meira talgilding og autonoma skipaferðslu.
- Hetta er ein spennandi møguleiki fyri ídnaðin í sjóvinnuni, bæði Danmark og Japan. Ja, frá báðum londunum – úr hvør sínum enda av heiminum. Bæði londini eru í gongd við at flyta alheims shippingídnaðin í eina veðurlagsvinarligari leið. Vit hava felags ábyrgd, men hava hvør sínar styrkir. Samstundis er japanski marknaðurin viðkomandi hjá okkum at koma nærri, sigur stjórin í Danske Maritime, Jenny Braat.
- Tað kann verða ógvuliga krevjandi fyri virkini at byggja upp gevandi sambond, men hetta samstarvið kann vónandi hava betrandi ávirkan á samstarv okkara í Japan júst á hesum økinum, sigur Jenny Braat.
Japan Ship Machinery and Equipment Association umboðar 244 virki úr allari sjóvinnuni í Japan, og felagið umboðar eisini 75 felagsskapir í Japan.
Kelda: Danske Maritime
