* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 
Havnin í Thyborøn.

Niðurgongd upp á 25 prosent í fiskakvotunum í bretskum sjógvi kann enda við 4.000 færri fiskimonnum og størvum í hjávinnum, metir fiskimannafelag.

 

Bretska avtalan við Evropasamveldið, sonevnda Brexit, fær álvarsligar avleiðingar fyri fiskivinnuna í Thyborøn, tí teirra fiskikvotur minka við 25 prosentum í bretskum sjógvi.

 

Tað skrivar Fakblaðið 3F.

 

Í alt eru umleið 2.500 fiskimenn við hesum fiskiskipunum, men haraftrat kemur avleiðingarídnaður av ymsum slag sum fiskamjølsvirki, trolbindarar, ísleverandørar til skip og so framvegis. Í hesum vinnum starvast í dag umleið 14.000 fólk.

 

Danska “Fiskivinnufelagið” óttast, at ein fjórðingur, tað eru umleið 4.000 fólk, fara at missa arbeiðið sum beinleiðis avleiðing av Brexit-avtaluni.

 

Aftrat hesum koma starvsfólk á hotellum, hjá hárfríðkarum, á matstovum og øðrum lokalum virkjum og fyritøkum, hvørs lív er treytað av arbeiðnum í fiskivinnuni í útjagaraøkjum, har fiskivinnuhavnirnar liggja.

 

- Tað er ógvuliga, ógvuliga órættvíst, at tey turka rokningina av upp á fiskivinnuna. Hatta er ein alt ov kostnaðarmikil avtala, sigur Alfred Fisker Hansen, formaður í “Thyborøn Havns Fiskeriforening”.

 

Hann rópar avtaluna fyri ognartøku av grovasta slag.

 

- Vit eru ofrað í tí, sum onkur nevnir “tænasta á einum hægri stigi”. Tað er mikið møguligt, at talan er um eina góða avtalu fyri onnur í samfelagnum, men fyri fiskivinnuna er hetta ein vánalig avtala, sigur Alfred Fisker Hansen.

 

Kelda: Søfart